جهينة موبايل
جهينة موبايل
آخر تحديث للصفحة الأربعاء, 13 تشرين الأول 2014 الساعة 19:20

السكن الشبابي في اللاذقية... كسوة متواضعة.. أقساط محلقة.. والمكتتبون يندبون حظهم

السكن الشبابي في اللاذقية... كسوة متواضعة.. أقساط محلقة.. والمكتتبون يندبون حظهم اللاذقية- جهينة نيوز: يعدّ مشروع السكن الشبابي في سورية مكرمة من المكرمات الكثيرة للسيد الرئيس بشار الأسد الذي وجّه من خلاله بتحقيق واستكمال خطة الإصلاح الاجتماعي، والحدّ من مشكلة السكن العشوائي وامتدادها الأفقي الذي قلّص بشكل ملحوظ من المساحات الخضراء والأراضي الزراعية، حيث صدر قرار رئاسة مجلس الوزراء رقم 1940 لعام 2002 والقاضي بفتح باب الاكتتاب على مشروع إسكان الشباب، وقد جرت أربعة اكتتابات شملت محافظات القطر كافة، وتم فيها قبول جميع المتقدمين الذين بلغ عددهم 68 ألف شخص. وإذا كان هذا المشروع قد تميّز بسرعة التنفيذ في كثير من محافظات القطر، إلا أنه كان بسرعة السلحفاة في محافظة اللاذقية، إذ ضرب رقماً قياسياً في التأخير، ما جعل الأهالي المكتتبين يشعرون باليأس بعد أن تنفسوا الصعداء وتلمسوا أملاً جديداً. السيد "أ. ك" وهو أحد مكتتبي المرحلة الأولى (5) سنوات، كان من المفترض أن يستلم الشقة في 2007 لكنه استلمها في أواخر شهر أيار 2009. أما السيد "م. ح" وهو أحد مكتتبي المرحلة الثانية (7) سنوات فكان المقرر أن يستلم شقته في 2010 لكن من المؤكد أنه سينتظر حتى ينتهي تسليم المرحلة الأولى التي مازالت في طور الإكساء والتسليم. الأرقام والإحصاءات تشير إلى وجود حوالى 2300 مسكن على أرض الواقع بين مكتمل التنفيذ وغير مكتمل، ولم يتم تسليم سوى 435 مسكناً فقط حتى هذا التاريخ، أما المرحلة الثالثة فمن المبكر الحديث عنها، فهي مازالت رهينة استملاك الأراضي وفك المخالفات الشاغلة فيها، مع العلم بأن هذه الأراضي هي أراضٍ زراعية مطلة على أتوستراد الثورة الكائن ضمن مدينة اللاذقية. من جهته يقول السيد "أ" وهو مالك لسكن في المشروع:  إن المادتين (6-7) من العقد تنصّ على غرامة مالية تفرض على من يتأخر في تسديد الأقساط... ويتساءل: ما الغرامة المالية التي تفرض على مؤسسة الإسكان إذا تأخرت بالتسليم لمدة تتعدى 3 سنوات؟؟ علماً أن المواطن يتأخر في التسديد بسبب ضيق الحال وثقل الأقساط الشهرية عليه. الآنسة "ن. ي" تقدمت للاكتتاب بعد اطلاعها على شروطه، التي ناسبت إلى حدّ ما وضعها المادي، فهي موظفة براتب8600 ل.س، اكتتبت في المرحلة الأولى بشقة مساحتها 60م كلفتها التقديرية 420 ألفاً قابلة للزيادة، تُسدّد خلال 25 سنة وبقسط شهري 1500 ل.س، استلمت "ن" الشقة في 26/5/2009 لكنها فوجئت أن سعر الشقة أصبح مليوناً وستمائة وثلاثة وأربعين ألف ليرة سورية، تسدّد خلال 25 سنة وبقسط 5480 ل.س. أما السيد "غ. ع" فهو موظف براتب 10000 ل.س، متزوج وله أولاد ومستأجر في منطقة مخالفات، استلم شقة السكن الشبابي ويدفع قسطه الشهري 8000 ل.س، اضطره ارتفاع سعر الشقة إلى تأجيرها ليدفع الأقساط. وبمرارة يتساءل السيد "ح": لماذا تُركت مفاجأة ارتفاع سعر السكن والقسط الشهري الذي وصل إلى ما يفوق 3 أضعاف عن القسط القديم إلى وقت الاستلام؟؟!!. يُذكر أن العقد ينصّ في مادته رقم 9: أن قيمة المسكن المذكورة في المادة 5 من العقد هي قيمة تقريبية، وستحدد الكلفة النهائية من قبل الفريق الأول عند إغلاق حسابات المشروع. والسؤال هنا: ماذا تعني كلمة تقريبية؟؟... إذا كان سعر المسكن قد ارتفع إلى ثلاثة أضعاف سعره القديم.   البنية التحتية..؟! تقول الآنسة "ن": عندما استلمت الشقة أول ما فعلته هو أنني أحضرت ورشة لإصلاح التمديدات الصحية، وقمت بتغيير كل التمديدات الكهربائية، لأنها غير صالحة.. بالرغم من أن العقد يشير إلى أن التجهيزات بمستوى جيد إلى جيد جداً. وتوافقها السيدة "س. خ" بالقول: وُعدنا بأن نستلم المنزل بكسوة كاملة، وبالفعل كان كذلك لكن شكلياً، فالكسوة "سكاجة" والخلاطات من أسوأ الأنواع، وكذلك التمديدات الصحية، أما التجهيزات الكهربائية فهي شكلية لا تعمل أبداً. ويتمنى السيد "غ" لو كان تسليم الشقة على الهيكل فقط، وليس على المفتاح كما ينص العقد، لأنه أعاد إكساء الشقة بدلاً من الكسوة التي وصفها "بهات إيدك والحقني "..   وشهد شاهدٌ من أهله..! يشير المهندسون المشرفون على المشروع إلى أن السكن الشبابي من الناحية الإنشائية آمن لدرجة الهدر، حيث إن كميات الحديد والبيتون المستخدمة لخمسة طوابق تكفي لبناء برجية. أما من الناحية التنفيذية "الإكساء" فهو يتراوح بين "سيء التنفيذ – وسط التنفيذ – جيد التنفيذ" وذلك لأن المشروع يعاني من أزمة أيدي عاملة ماهرة، إضافة لضعف أجورهم، وقلة أعدادهم، وأيضاً المشروع يفتقد لحرص بعض متعهدي البناء والتزامهم بوعودهم، فهناك جهات مجرَّبة في مشاريع سابقة وهي غير جديرة بالتنفيذ والتعهد لمثل هذا المشروع الضخم، وبالمقابل فإن البعض الآخر منهم أبدى تعاوناً والتزاماً تاماً، علاوة على ذلك فإن الأسلوب السائد في التعامل مع المتعهدين في حال تم التعديل بشيء من المواصفات هو أسلوب بيروقراطي.  

مشاركاتكم         ولأخذ العلم هذه المشاركات تعبر عن آراء أصحابها وليس عن رأي إدارة الموقع
1. اه يابلد
وطني | 13/10/2010 23:36 , توقيت دمشق
شكرا لكاتب هذا المقال لتسليط الضوء على معاناة الكثير من المواطنين ونأمل ان تلاقي هذه المقالة الصدى المطلوب عند المسؤولين عن هذا الوضع . وان تتم معاقبة المقصرين
2. مصدوم
مغترب | 13/10/2010 23:49 , توقيت دمشق
بصراحة انصدمت كتير لمل قرأت المقال لعدة اسباب أهمها انو لسة في ناس راتبها 8000 و10000 بوقت الغلى فيه ضارب اطنابو بكل العالم الله يعينون كيف عايشين والتانية اذا كانت المواد المستخدمة كافية لبناء برجية وين راحت هالمواد ومين عم يتابع الموضوع والتالتة مو حرام الكسوة تكون شكلية يعني الناس كلها فرحت لما صدر هالمشروع واعتبرناها خطوة ايجابية وحلوة بس للاسف في ناس نفوسها ضعيفة مابدها تشتغل بضمير ،واخيرا،،،،كان ممكن بدل ماترتفع الاقساط 3 اضعاف يزيدوا مدة القسط فوق ال 25 سنة لانو بالنهاية يلي عم يدفعوا هالاقساط فقراء
3. اسألوا من كان بها خبيرا
بدر الدين الحسن | 14/10/2010 00:57 , توقيت دمشق
الفساد طال حتى مكرمة السيد الرئيس ... فكيف تريدون أن نصدق الوزراء والمدراء وكل القائمين على شؤون المواطنين.. واسألوا السادة المحافظين فهم أدرى بما يحدث وخصوصاً في موضوعات السكن الشبابي والجمعيات السكنية.
4. اقرؤوا الثورة
هناء الصالح | 14/10/2010 01:01 , توقيت دمشق
اقرؤوا جريدة الثورة بتاريخ 13-10-2010 يامكتتبي الجمعيات السكنية وتعمقوا في هذا المقال في جهينة نيوز لتكتشفوا حجم النصب والاحتيال والتضليل الذي يمارس على مواطننا المسكين.
5. ربع الحقيقة
محمد عبد العزيز/ اللاذقية | 14/10/2010 01:07 , توقيت دمشق
ما قالته جهينة نيوز هو الربع أو يقارب نصف الحقيقة.. تعالوا إلى اللاذقية مشروع الثورة لتروا الحقيقة كاملة... وتتلمسوا عن قرب الظلم الذي تعرض له المكتتبون من الإسكان والمتعهدين على حد سواء.. بل هناك بعض المتنفذين الذين يضغطون على المكتتبين للقبول بأقل القليل في استلام شققهم؟؟؟!!!!
6. ابتزاز كبير
المواطنة أ. ي | 14/10/2010 01:10 , توقيت دمشق
هناك ابتزاز كبير أثناء تسليم الشقق من حيث الطابق والإطلالة والمساحة والبنية التحتية... نتمنى من جهينة نيوز التحقيق في ذلك وعرضه للمسؤولين.
7. فساد متنقل
عمار ................... | 14/10/2010 01:15 , توقيت دمشق
السكن الشبابي تحول من حل إلى مشكلة... واللاذقية لا تقل عن دمشق وحلب وإدلب وطرطوس وحمص... ابحثوا أكثر لتتأكدوا؟؟
8. خلف الكواليس
ابن البلد | 14/10/2010 01:17 , توقيت دمشق
قبل أن تكتبوا عن هذه المشكلة.. اسألوا من وراءها من المتعهدين الذين يختبئون خلف الكواليس.. ويتلاعبون بكميات الاسمنت والحديد وغيرها من مواد البناء.
9. نقمة
قاسم عبد العال | 14/10/2010 01:21 , توقيت دمشق
السكن الشبابي الذي منحنا إياه السيد الرئيس لحل السكن العشوائي صار نقمة علينا بسبب أقصاطه الباهظة والتغييرات التي شهدها.
10. جمعياااااااااااااااات
أنمار خضور/طرطوس | 14/10/2010 01:24 , توقيت دمشق
الجمعيات السكنية أضرب من السكن الشبابي.. أرجوكم افتحوا ملفاتها لأنها أصبحت جمعيات لجمع الأموال فقط.... وضحاياها بالآلاف في طرطوس ومدنها.
11. هات عمر
سميع عباس | 14/10/2010 01:28 , توقيت دمشق
حتى نستلم الشقة لازم نطبق ونرشي رئيس مجلس الإدارة... وحتى نوصل لمجلس الإدارة لازمنا شوية صبر... وحتى تتعمر الشقة ويكسوها هات عمر...... وعيييييييش يا.......... حتى ينبت الحشيش.
12. والله حرررررررررررررررررام
هيثم داوود | 14/10/2010 01:32 , توقيت دمشق
حرام أن يظل الشباب أسرى حلم البيت والعروس.... وحرام أن نضحك عليهم بوعود لا تنفذ... لأن الضمير غائب أو ميت؟؟؟؟؟؟؟
13. قال سنة قال
جهاد حميدوش | 14/10/2010 01:35 , توقيت دمشق
وعدونا بسنة.. والسنة صارت سنتين... والسنتين صارت أربعة.... ومازلنا ننتظر... ربما نورثها للأولاد بعد عمر طويل؟
14. حلب أولى
غسان........... | 14/10/2010 01:37 , توقيت دمشق
حلب فيها فساد أكثر..... نتمنى تسليط الضوء عليه بعد اللاذقية.... وشكرررررررررررراً جهينة نيوز.
15. صحيح 100%
لاريساا...ج... | 14/10/2010 01:42 , توقيت دمشق
ماورد في هذا المقال وشكوى الناس من الاستلام والبنية التحتية صحيح 100%.... وهناك ماهو أكثر من ذلك.... لكن هل تستطيعون عرضه بصدق وصراحة... وأظن أنكم تعلمون ذلك؟؟؟؟؟؟؟؟؟؟؟؟
16. غرييييييييييب؟؟!!!
عبد الرحمن الدمشقي | 14/10/2010 01:47 , توقيت دمشق
كيف يمكن أن يمر تصريح المهندسين المشرفين على المشروع هكذا وخاصة اعترافهم من الناحية التنفيذية "الإكساء" يتراوح بين "سيء التنفيذ – وسط التنفيذ – جيد التنفيذ" ... ولماذا لا يكون كل التنفيذ جيد جداً مادام مكرمة من السيد الرئيس والمؤتمن عليه وزارة الإسكان ومحافظة اللاذقية؟؟؟!! فعلاً غريب؟؟!
17. فظيع
نور الدين دمسرخو | 14/10/2010 01:53 , توقيت دمشق
ما يحدث في السكن الشبابي وفي جميع المحافظات فظيع لدرجة قاتلة... هل هكذا تنفذ المشاريع الوطنية... ولماذا تطلع روح المواطن أثناء الاكتتاب والتنفيذ والاستلام وتفقد الشقة بعد الاستلام.. أين المراقبة والمحاسبة التي تؤكد عليها الجهات المختصة في كل اجتماع أو مؤتمر أو حتى تصريح.. حسبنا الله ونعم الوكيل.
18. فعلاً ربع الحقيقة
عارف بكل شيء | 14/10/2010 01:58 , توقيت دمشق
أؤكد على التعليق رقم 5 بأن ما قالته جهينة نيوز هو الربع أو يقارب نصف الحقيقة.. وبما أنني أعمل في المشروع ذاته وأخاف من ذكر اسمي أقول: فعلاً ربع الحقيقة وربما أقل... فالمخفي أعظم؟؟!!
19. نصيحة
سعاد إدريس | 14/10/2010 02:00 , توقيت دمشق
أنصح كل الشباب السوري ألا يتورط في مثل هذه الورطة.. فهو سينددددددددددددددددم ويقول يامحلى الآجار وبيوت العشوائيات.
20. يارررررررررررررريت
محمود عمران | 14/10/2010 02:02 , توقيت دمشق
ياريت تكون الكسوة سكاجة..
21. سؤال وجيه
هالة دعبول | 14/10/2010 02:08 , توقيت دمشق
أؤيد قول السيد "أ" وهو مالك لسكن في المشروع: إن المادتين (6-7) من العقد تنصّ على غرامة مالية تفرض على من يتأخر في تسديد الأقساط... وتساؤله: ما الغرامة المالية التي تفرض على مؤسسة الإسكان إذا تأخرت بالتسليم لمدة تتعدى 3 سنوات؟؟ وهو سؤال وجيه جداً ولابد من دراسته من الناحية القانونية؟؟
22. إلى جهينة نيوز
لاذقاني أكيد | 14/10/2010 02:13 , توقيت دمشق
ماذا تتوقعون أن يحدث بعد هذا المقال.. وهل أنتم مقتنعون أن هناك من يقرأ من مسؤولينا.... على كل "الله يعطيكن العافية" اطمنوا ماراح يصير شي لأننا تمسحنا!!!!!!!
23. لاحاجة لاي تحقيق
يوسف العظمة | 14/10/2010 11:24 , توقيت دمشق
اقول لمن يهمه الامر ممن يعتبرو مسؤولين عن هذا السكن الشبابي انه لاحاجة ابدا لاي تحقيقات او تشكيل لجان او اي استقصاءات فقط خمس دقائق من وقتكم الثمين بزيارة لهذا المشروع السيء جدا جدا جدا وستكتشفون ان اكساءالشقق اللي تسلم حيثا لايتناسب مع مستوى زريبة للحيوانات هل يعقل ان يدفع المواطن ثمن مكرمة السيد الرئيس ثلاثة اضعاف ويتسابق الملاك للتخلص من ادوارهم من دون اي ربح وفقط للتخلص من الاقساط الغير منطقية ابدا والتي سيتحملونها لعقود قادمة مقابل سكن ردي من جميع المواصفات هل مكرمة السيد الرئيس و التي وصلت للمواطنين في باقي المحافظات السورية هي محرمة علينا في اللاذقية من هو المسؤول عن هذا الواقع المهترئ لهذا المشروع في اللاذقية من هو المسؤول ادعو السيد الرئيس حفظه الله لوضع اشرافه شخصيا على الموضوع
24. نداء للسيد الرئيس
ابن اللاذقية المقهور | 14/10/2010 11:30 , توقيت دمشق
هل يوجد بالعالم حاليا كله بناء حديث 2010 مؤلف من طوابق خمسة وليس فيه مصعد بربكم اين هذا يحدث في عالمنا الحالي زرت صديق لي في احد البنايات لابارك له سكنه الجديد احسست بهول الكارثة فقط منذ ان دخلت من مدخل البناء وكانه قد بني قبل 30 سنة او اكثر فلم اجد مااقوله له وانا ابارك له غير الله يكون بعونك على هالبلوة فقال لي المشكلة اني اشتري هذه البلوة بتلات ارباع راتبي لمدة خمسة وعشرين سنة وهي والله لاتستاهل واحد على عشرة من هذا المبلغ وبالاخير كل الناس كانت تحسدني لانني قد استفدت من هذا المشروع ولايعرفون انه اكبر مقلب بحباتي وحياة مواطنين اللاذقية
25. مقارنة بسيطة
فارس ديب | 14/10/2010 11:44 , توقيت دمشق
يعني بحسبة بسيطة اذا اجرينا مقارنة بين مساحة الشقة ومجموع اقساطها نجد انها تكون بتكلفة شقة بضعف مساحتها وبعشرين ضعف من حيث جودة الاكساء وبفترة اقل بخمسة اضعاف باسعار السوق اي السوق العقاري الخاص وليس الحكومي وهنا يتبين لنا انا السرقة كبيرة جدا جدا جدا جدا
26. حكي فاضي
محمود بالة | 14/10/2010 20:15 , توقيت دمشق
السكن الشبابي مكرمة عظيمة من السيد الرئيس كما اعتدنا على مكارمه وعطاءاته لكن المشكلة في القائمين على تطبيق هذه المكرمة سرقة ونهب وما حدا شايف وبتجي بالآخر أقساط بدو الواحد دخل خمسين ألف بالشهر لحتى يغطي أقساطها ودفعاتها مو هدا الشي الذي وهبه السيد الرئيس للشباب عندي ابني سجل وبالزور لحتى طلعوا وبالآخر بدو يتنازل لانو ما معو يكمل شوهاد والله ملينا
27. مارح يفيد الحكي
نورس مسعود | 16/10/2010 18:40 , توقيت دمشق
يعني كل هذا الكلام رح يرجع حق لصاحبه أم لا لا أعتقد لذلك مارح يفيد الحكي ولا يمكن لانها عوجة يعني إذا تم اعفاء مسؤول من منصبه لعدم قيامه بواجباته على أكمل وجه نرى أن من يأخذ مكانه هو أسوء منه والحبل جرار يعني مارح نصير متل البشر حتى نكون نظيفي القلوب والذمة ونشكركم على عرض هذه المشكلة التي فعلاً أرهقت شبابنا
28. اتعودوا بقى
حسام غزوان | 16/10/2010 23:34 , توقيت دمشق
حلنا نتعود....أصلاً إذاصار شي منيح بهل البلد منستغرب منبطل نعرفوه
29. الشكوى لله
موجوعععععع | 16/10/2010 23:37 , توقيت دمشق
الله على الظالم
30. الجرأة مطلوبة
علي _اللاذقية | 16/10/2010 23:43 , توقيت دمشق
منتمنى من الصحفي يكون أجرأ من هيك وينقل الحقيقة كاملة مع أنو منعرف مسبقاًأنو مافي حدا من المسؤولين فاضي يسمع
31. عالوعد ياكمون
عاشق سوريا | 16/10/2010 23:53 , توقيت دمشق
يعني والله عيب الناس وصلت عالقمر ونحنى لهلأ مامنعرف نوفي بوعد. أقسم بالله أنو كل مابفكر ارجع على الوطن بيجي شي بخليني أقرف.
32. ضحايا السكن
هيام عيسى طرطوس | 17/10/2010 00:02 , توقيت دمشق
ياريت لاتنسوا السكن الشبابي عنا بطرطوس الحالة هون بتبكي أنا وحدة من ضحايا السكن اللي عم بدفع 5 ألاف وخمسمية ليرة وأضطريت أسكن معي طالبات لأخلص من هل الورطة
33. اكتتاب على الأمراض
لاذقاني تعبان | 17/10/2010 00:15 , توقيت دمشق
أخي الصحفي أشكرك على هذا التحقيق لكن أريد أن أزودك بمعلومة "أنني أصبت بجلطة بساقي عندما استلمت الشقة فأنا لوكنت أعرف أن الأسعار سترتفع ثلاث أضعاف لما أقدمت على الإكتتاب
34. لولا الأيادي السوداء
فاتن دمشق | 17/10/2010 00:40 , توقيت دمشق
عنا رئيس بيتقل بالدهب قدملنا بيوت بؤجور رمزية بس دخلت الأيادي السوداء لتصرق فرحة هل الشباب
35. وماخفي كان أعظم
أبو فيصل اللاذقية | 17/10/2010 01:44 , توقيت دمشق
احترامي وتقديري لجهينة نيوز لأنهافشت خلقي تعالوا شوفو وضع البيت المزري تخيلوأنو مافي تصريف صحي واللمبات كلها معطلة والحيطان قاشرةوكل شي كوم والحمام كوم ومدخل البناية اذا بتفوت عليه بتشوف بحرة من مية السياقات هي غير طرقات التنظيم بدون إنارة وبدون تزفيت.
36. مبالغة
تهاني جديد | 17/10/2010 01:52 , توقيت دمشق
على فكرة أنتو كتير بتبالغوا والوضع مو لهدرجةيعني موقع السكن الشبابي باللاذقية رائع والكسوة منيحة مو سيئة
37. حرام والله حرام
بحر | 17/10/2010 02:04 , توقيت دمشق
في مشكلة الصحفي ماذكرهافي مكتتبين بيقسطوا لمدة10 سنين يعني اللي كان بيدفع 8صارعم بيدفع 16 منين رح جيب ياناس؟؟؟؟؟؟
38. ببكي
حيدر محمد | 17/10/2010 02:37 , توقيت دمشق
كنت بتمنى لو شفت هل الصحفي اللي مساوي التحقيق شكلو قلبو على الوطن كان بدي أرجيه بيتي اللي استلمتو صدقاَ ببكي وللأسف رح ارجع إكسيه من جديد
39. صبراً جميل وبالله المستعان
عايش ميت | 17/10/2010 02:41 , توقيت دمشق
لأيمت رح نضل ساكتين وصابرين لأأأأيمت
40. مافي حساب
سوري | 17/10/2010 02:50 , توقيت دمشق
عجبني تعبير السيد بدر الدين حسن"الفساد طال مكرمة السيد الرئيس "عن جد هذه هي الحقيقة المرة وللأسف مافي حساب
41. حماه شو وضعها
سوري | 17/10/2010 02:57 , توقيت دمشق
ليش مابتسلطوا الضوء على السكن الشبابي بحماه الوطع أضرب هنيك
42. حمدوا الله
نسمة | 17/10/2010 03:01 , توقيت دمشق
أنتو شعب مابيعجبكن العجب نحن أحسن من جنوب إفريقياالميتين من الجوع ....!!!!!!!!!!!!!!!!!!
43. لعنة مكبرتة
محمد(مغترب وطني) | 17/10/2010 03:08 , توقيت دمشق
السيناريو دائما عم بيتكرر نفسواببلشوا بمشروع أهدافوا سامية وفجأة بتحول المشروع للعنة مكبرتة ليشششششششش؟؟؟؟؟وين المحاسبة
44. زمن الحرية
صحفي حررررر | 17/10/2010 03:17 , توقيت دمشق
لماذا دائما تتبعون سياسة الإخفاء والتورية لماذا أسماء الشهودمخفية في أي تحقيق حساس وكذلك المهندسين لم يذكر حتى حرف من أسمائهم وأسم الصحفي غائب. لماذا هذا الخوف الشديد؟؟؟؟ ومن من تخافون؟؟؟؟ومتى ستصبح الحقيقة تقدم بدون تورية؟؟
45. الحكي مانو صحيح
متعهد....... | 18/10/2010 02:06 , توقيت دمشق
كل ماورد في التحقيق مبالغ فيه.. كنت أتمنى ممن كتب التحقيق مراجعة كل الأطراف: المواطن، المتعهد، فرع مؤسسة الإسكان في اللاذقية حتى يكون منصفاً... علما أننا نعرف أن من زودكم بهذا الكلام هي قريبة إحدى المهندسات في المشروع.. ولكم الشكر والمحبة.
46. دمتم عوناً للحقيقة
مخلص ونوس | 18/10/2010 02:11 , توقيت دمشق
تحية لكم على هذا الطرح الجريء الذي تعودناه من موقعكم ومجلتكم... وأملنا دوماً أن تكونوا عوناً للحقيقة... الشكر للسيدة فاديا جبريل وللزميلين غسان شمة وعمر جمعة وبقية أسرة تحرير جهينة.
47. على قفا مين يشيل
علي إسماعيل | 18/10/2010 18:00 , توقيت دمشق
الشقق على قفا مين يشيل في مشروع السكن الشبابي في اللاذقية لأن بعض المكتتبين ندموا على ما حدث من رفع السعر والأقساط... والآن الشقق متروكة لسعيد الحظ الذي سيصدم بما سيراه من موقع وكسوة المشروع.
48. عصة قبر
سمية طه | 18/10/2010 18:03 , توقيت دمشق
فوق الموته عصة قبر.. إذا قبل المواطن بالتأخير والتلاعب.. فيجب أن يتحمّل ماتلاه من كسوة وكهرباء وصرف صحي وخلافه.. والساكت عن الحق شيطان أخرس!!!!!!!!!!!
49. تعالوا إلى حلب
هزاع شديد | 18/10/2010 18:05 , توقيت دمشق
تعالوا إلى حلب أيضاً لتروا العجب العجاب في المشروعات السكنية وخاصة السكن الشبابي.. ويكفي ما كتبته زميلتكم جريدة الثورة منذ أيام.
50. فسسسسسسسسسسسسسسساد.. فسسسسسسسسسساد
دياب الحسين | 18/10/2010 18:09 , توقيت دمشق
يجب محاسبة ومحاكمة من تلاعب وقصّر وتأخر وغش ودلس في المكرمة الكبيرة للرئيس المفدى بشار الأسد.... لقد حوّل البعض النعمة إلى نقمة لذلك يجب محاسبتهم وفضحهم.
51. سؤاااااااااااااااااااااااااااااال
عبد الستار........ | 18/10/2010 18:13 , توقيت دمشق
كيف يمكن أن نصدق ما ورد في المقال وأنتم لم تذكروا اسماً واحداً ممن تحدث أو ممن اشتكى أو أخذتم رأيه... أين المصداقية؟؟؟.. وإذا كنتم خائفين.. فممن تخافون ونحن نعرف أنكم منبر حر يحترمه جميع القراء.
52. المضمون أهم من القشور
سامر دخل الله دمشق | 20/10/2010 14:53 , توقيت دمشق
ياناس أبتعدو عن القشور مو مهم ذكر االأسماء المهم أن تكون التحقيق المنشور واقعي وأنا طبعا لا أشك في ذلك لأن موغريب على بلدنا مثل هذه التصرفات شكرا للصحفي الجريء
53. بلا نفاق
سهى اللاذقية | 20/10/2010 15:03 , توقيت دمشق
أنا سهي أحد المكتتبين وبعتقد إني أعرف بالقصة من كل الي عم بينظروا الحقيقة أسوء من هيك والوضع عيب حدا يدافع عنه لأن بكون منافق ومجامل وبيمسحّّ جوخ على حساب الناس الفقيرة المعترة ياريت تبيضوا وجه بأماكن تانية شكرا لصدقكن وألتزامكن
54. تحقيق بفش الخلق عنجد
مكتتب مقهور | 20/10/2010 15:09 , توقيت دمشق
طبعا من الغباء حدا يسأل ليش مانكتبت الأسماء شونسيانين الأسماء الكبيرة الي بين المتعهدين والخوف الشديد عند الناس
55. خوف الناس مو عن عبث
المضحوك عليه | 20/10/2010 15:15 , توقيت دمشق
أخي عبد الستار ياريت تسأل مين المتعهدين قبل ماتحكي على مصداقية الموقع كل أهل اللاذقية بيعرفوا.شكرا لجهودكم لإعلامنا الحقيقة
56. خوف الناس مو عن عبث
فارس يوسف | 20/10/2010 15:18 , توقيت دمشق
اللبيبة من الإشارة تفهم
57. هام جدا جداجدا جدا
الصحفي حسام | 20/10/2010 15:27 , توقيت دمشق
أنا قرأت التحقيق من مجلة جهينة مباشرة والتحقيق أوسع وأشمل من التحقيق الموضوع على الموقع وأسم الصحفية واضح تماماياريت لا تنسوا الموضوع الأساسي
58. التفاصيل عندكم
سهر مهنا مغتربة مكتتبة في المشروع | 20/10/2010 15:39 , توقيت دمشق
أقرأوا جريدة الوحدة وتشرين والبعث وكذلك المواقع اللألكترونية المهتمة ستجدون تسليط الضوء على نفس الوجع لكنكم أوضحتم التفاصيل التي خاف معظمهم نشرهامشكورين على الجراءة
59. أحيي الأقلام النظيفة
وسيم | 20/10/2010 15:47 , توقيت دمشق
أحيي الصحافة الحرة والأقلام النظيفة التي جعلت من شغلها الشاغل هموم المواطنين وآلامهم وأحيي من كتب هذا المقال وسلط الضوء على مشكله من أهم مشاكل شبابنا في هذا العصر
60. مشاركة دون تعليق
المهندس جمال ابراهيم | 20/10/2010 15:48 , توقيت دمشق
شكرأللصحفية الجريئة ضحى حسن وشكرا لتوجه جهينة الهادف أنا أتابعكم دوماً.....no coment
61. المرحلة التالتة
علي اللاذقية | 20/10/2010 15:51 , توقيت دمشق
بدي إسأل عن المرحلة الثالثة أيمت بدهاتنبنا ياريت تجاوبوني
62. ليششششششششششششششش
يئسسسسان | 20/10/2010 15:57 , توقيت دمشق
وين الضمير ياناس....أنتم ذكرتم أنو هناك متعهدين ملتزمين ومتعهدين غير ملتزمين طيب ليش مابيتحاسبوا ليشششششششششششششش
63. لماذ ا الاختصار
الصحفية خلود البيرقدار | 20/10/2010 16:06 , توقيت دمشق
عندما قرأت التحقيق في المجلة وجته وافي وشامل للأراء الرسمية سواء مدير عام مؤسسة الإسكان ووزير الإسكان عمر غلاونجي وغيرهم من المسؤولين لماذا هذا الاختصارعلى الموقع ؟؟؟؟؟؟ أعتقد أن الاختصار لا يدعم التحقيق
64. لماذا التعميم؟؟؟؟؟
أبن متعهد في المشروع | 20/10/2010 21:58 , توقيت دمشق
الكلام صادق وأنا عرفت من المقصود باللامبالي وغير مهتم والمتلاعب في المواصفات من المتعهدين لكن سوأل للصحفية صاحبة المقال ألا ترين أنك أجحفتي بحق متعهدين وأعتقد أنت تعرفين عز المعرفةأنهم شرفاء وملتزمين وأصحاب ضمير .....
65. حارتنا ديقة ومنعرف بعض
سومر الحاج | 20/10/2010 22:53 , توقيت دمشق
لكل شخص عندوا تشكيك يتفضل لعندي على البيت اللي استلمتوا بأول دفعةبعد تثلاث سنوات من التأخير ويشوف المهزلة الحقيقية ياريت ماحدا يتفلسف على سماناوكذبنا
66. الشمس واضحة للجميع
جعفر اللاذقية | 21/10/2010 23:06 , توقيت دمشق
ياااااااااالله شوبتحبوا تتخبوا ورا اصبعكين الحقيقة واضحة للجميع خلاص أعترفوا بقى إذا ماعترفتوا بألأخطاء بحياتكين أبتتقدموا
67. أرجو الإجابة
سارة الخير | 21/10/2010 23:13 , توقيت دمشق
عمي مسجل بالسكن الشبابي لما سمع بالتحقيق راح ليشتري المجلة لكن قالوله خلصيت ياريت الي اشتراها يقلنا منين لأنه التحقيق كتير قوي وصريح والأنترنيت عنا غير متوفر إلا بالنادر
68. أكثر الله من أمثالكم
الدكتور خالد الجابي | 21/10/2010 23:22 , توقيت دمشق
السلام علي كل من يحاول اظهار الحقيقة وكشف المفسدين الذين وللأسف نرقيهم من منصب إلى آخر.ورغم أني أتوقع أنكم تقدمون الحقيقة مع كثير من المخاطرة
69. ما باليد حيلة
مهندس مشرف في المشروع طرطوس | 23/10/2010 17:30 , توقيت دمشق
لاتظنو أبدا أن من يعمل كمشرف في المشروع يستطيع أن يغير أو يمنع الفساد ....الأمر مختلف تماماً فالمهندس المشرف ليس إلا عبد مأمور ممنوع أن يعترض أويكشف سرقةأو يوجه إتهام وأوأكد لكم أن المسؤولين في مشروع السكن الشبابي يعرفون البير وغطاه ومع ذلك ساكتين.
70. سامحونا
مهندس مشرف | 23/10/2010 17:38 , توقيت دمشق
بأسمي وأسم كل زملائى سواء في طرطوس و دمشق واللاذقية حماه وحلب وغيرها من المحفظات نعلن عدم مسؤوليتناعن التنفيذ ونتمنى أن يقدر الجميع أن كلامناوإعتراضنا لا قيمة له أبدا
71. الحقيقةعنا كاملة
عفراء الحاج | 23/10/2010 17:46 , توقيت دمشق
الله يخليكن لازم تجوا لعنا على مساكن العمال في طرطوس لتصوروا البيت من جوا قبل مانعيد إكساؤه لان الصور هي البتوصل الحقيقة كاملة.الإقامة علينا وتكاليف السفر علينا بس تعالوا
72. دمتم سالمين
المحامي ناجي سعيد | 23/10/2010 17:53 , توقيت دمشق
السلام عليكم عندما استلمت المنزل اتصلت بالصحفية(غ)من جريدة الوحدة لتقوم بنقل الكارثة إلى الملأ لكن رفضت وقالت لي بالحرف " بدك تورطينا "كل الشكر لكم ولجراءتكم ودمتم سالمين
73. دمتم سالمين
المحامي ناجي سعيد | 23/10/2010 17:53 , توقيت دمشق
السلام عليكم عندما استلمت المنزل اتصلت بالصحفية(غ)من جريدة الوحدة لتقوم بنقل الكارثة إلى الملأ لكن رفضت وقالت لي بالحرف " بدك تورطينا "كل الشكر لكم ولجراءتكم ودمتم سالمين
74. أريد حلاً
موظفة دولة | 23/10/2010 17:56 , توقيت دمشق
شومن شان الأقساط ياريت تلاقولنا حل
75. هاهاها
متابع | 23/10/2010 18:00 , توقيت دمشق
ضحكتني اللي حاكية حمدوا ربكن نحنا أحسن من اللي عندهن مجاعة بإفريقيا
76. سنعو بعد خمس سنوات انتظرونا
لاذقاني ميدرس بالدير | 23/10/2010 18:06 , توقيت دمشق
لك أحكوا أكتر من القرد الله مامسخ حيجتنا بقى
77. غريب
أبو محمد _ الكويت | 23/10/2010 18:11 , توقيت دمشق
ياإلهي حتى المكرمة يطالها الفساد
78. الله على الظالمين
مكتتب على البيوت المسروقة | 25/10/2010 12:30 , توقيت دمشق
بإذن الله رح نوصلها لسيادة الرئيس سقرقة عينك عينك ومن مين من هل الشعب الفقير المعتر حسبنا الله ونعم الوكيل الله على الظالمين
79. قصة حياة مؤلمة جدا
أيهم محمد | 25/10/2010 12:41 , توقيت دمشق
استلمت السكن وأجرته لمدة 3سنوات من أجل الأقساط مع أني اكتتبت على البيت لأتزوج لأني بالغ من العمر36سنة وأنأموظف في الريجة منذ 13 سنة والأن راتبي 11ألف فقط
80. يزيدوا الرواتب
شاميي | 25/10/2010 12:44 , توقيت دمشق
طيب أرتفعت الأسعار يزيدوا الرواتب
81. مافي أنترنيت
ضيعة ضايعة | 25/10/2010 12:50 , توقيت دمشق
تخيلوا لما قرأت التحقيق خبرت الأشخاص المكتتبين اللي حوليي ليقروه ويشاركوا برأيهن بلكي بيوصل صوتهم عبر موقعكم الموقر لكن كانت الإجابة وحدة من الجميع مافيييييييييييي أنترنيت تخيلووووووا
82. شششششششششكرا
الصحفية نسمة | 25/10/2010 12:56 , توقيت دمشق
شكرا لجهينة نيوز لأنها دائما تقدم لنا الحقيقة أتمنى أن أعمل معكم بعد أن أدرس الصحافة فأنا الأن طالبة بكلوريا
83. بدي هج
ساخط وغاضب | 25/10/2010 12:58 , توقيت دمشق
العيشة بجهنم أحسن من هون
84. رد
طفران | 25/10/2010 13:02 , توقيت دمشق
إلى من كتب ضيعة ضايعة الناس مامعها لتاكول كيف بدوا يكون عندها أنترنيت
85. يئسسسسسسسسان
يئسسسسسسسسسسسسسسسسسسسسسسسسسسسسسان | 25/10/2010 13:05 , توقيت دمشق
يئسسسسسان
86. إلى جهينة
غضبان كتييييير | 25/10/2010 13:16 , توقيت دمشق
ليششششششششششششش عم تحذفوا مشاركاتي ليييششششششششششش
87. **********
غضبان كتييييير | 25/10/2010 13:19 , توقيت دمشق
ياسامر خلي عينك على الوطن لأن الوطن غالي
88. وطنيين
وطنيين | 25/10/2010 13:28 , توقيت دمشق
إلى مديرة فرع مؤسسة الإسكان في اللاذقية أتمنى أن لا توجه العقوبات بحقنا لأنناتكلمنا إلى الصحافة بالحقيقة التي تدركيهاو تعرفيها أكثر منا
89. يزيدوا الرواتب
نوال | 25/10/2010 13:31 , توقيت دمشق
يزيدوا الرواتب لنقدر ندفع يزيدوا الرواتب والله حرام
90. إلى ضيعة ضايعة
أبو شهاب | 25/10/2010 13:35 , توقيت دمشق
طيب مافي أنترنيت عندهن يشتروا المجلة كمان مامعهن 75ليرة
91. مابحب العنوين
خالد | 25/10/2010 13:39 , توقيت دمشق
إنشاء الله تكون المجلة عم تتوزع على الجهات الرسمية لحتى يقروها المسؤولين بلكي بيصحا ضميرهن شوي
92. اللاذقية بلا محافظ
******************8 | 25/10/2010 13:45 , توقيت دمشق
سلام إلى محافظ اللاذقية شكلك ماعم بتحافظ إلا على نظافة بيتك ولا حتى بيتك عندك خدامة بتحافظ يعني أنت مالك لا شغلي ولاعملي
93. اللاذقية بلا محافظ
******************8 | 25/10/2010 13:45 , توقيت دمشق
سلام إلى محافظ اللاذقية شكلك ماعم بتحافظ إلا على نظافة بيتك ولا حتى بيتك عندك خدامة بتحافظ يعني أنت مالك لا شغلي ولاعملي
94. اللاذقية بلا محافظ
******************8 | 25/10/2010 13:45 , توقيت دمشق
سلام إلى محافظ اللاذقية شكلك ماعم بتحافظ إلا على نظافة بيتك ولا حتى بيتك عندك خدامة بتحافظ يعني أنت مالك لا شغلي ولاعملي
95. واقع حقيقي
ماهر | 25/10/2010 14:01 , توقيت دمشق
الناس ليش ساكتين.... الواحد راتبو 9ألاف وعم يدفع قسط 5.5ألف يعني باقي 3.5ألف وكهربا ومي ووحدت موبايل لأن مافي أرضي 2.5ألف شو ضل ألف هي بتروح رشاوي هون وهون وشوبياكول لحذركن ...بياكلول خ____
96. شو ها المحافظ
ميرابو الرعراع | 27/10/2010 14:18 , توقيت دمشق
ليش كل الناس نسيانه المحافظ لم نسمع ولاتعليق منه وخاصة انه مشهور في اغلاق بابه العالي والتعليقات حتى ولو كانت بطريقة المزح ع أهالي اللاذفية المثقفين والمتعلمين جدا جدا
97. التاخر وكاننا في القرون السالفة
محمد | 29/10/2010 16:04 , توقيت دمشق
مدة الشروع عند الاكتتاب الات الان وبعد 8سنوات مرحلة الخمس سنوات وفي العالم مدنٌ تشادباشهر الحل تسليم المساكن على الهيكل والتخلص من الفساد وووووووووووووووووو
98. اكشفوا المستور
عبد الله خيرات | 20/12/2010 13:21 , توقيت دمشق
السلام عليكم شكرا لأنكم سعيتم بجهودحثيثة لتقديم المعلومات الحقيقية ومع أن هناك صياغة خجولة نحن نقدر دوافعها لكنني أنوه إلى خطورة الوضع في طرطوس لذلك أدعوكم لزيارتنا وكشف المستور
99. أخخخخخخخخخخخخخخخخخخخخخخخخخخخخخخخخخخ
موجوع | 20/12/2010 13:23 , توقيت دمشق
لك أخخخخخخخخخخخخخخخخخخ
100. نصيحة لله
ابو انس | 18/2/2011 20:56 , توقيت دمشق
مكرمة الرئيس اطال الله عمره يجب ان تؤخذ على الاكف وتظهر الهدف الطيب منها لا الاسائة اليها فيجب حساب كل القائمين غليها علنا ليكونوا عبرة للغير ورد الاعتبار للريس الذي اعطاهم هذه الثقة
101. مافي حل
طالما ما في محاسبة | 13/9/2011 13:15 , توقيت دمشق
أكيد هالمسؤوليين لما بيقروا سو عم نكتب بيضحكوا حتى يشبعوا لأنهن بيعرفوا أنو ما رح يطلع من حكينا شي ولا حول ولا قوة إلا بالله
102. بدنا الحقيقه
مازن | 7/12/2011 04:37 , توقيت دمشق
ارجوكم خلصونا من الاجار الاجار صار اجار بيتي يللي مستجره 12000الف
103. وقعنا بير عميق ملو قرار
غيث احمد | 31/5/2012 06:49 , توقيت دمشق
تأخرنا عن الاستلام أربع سنوات بس والحبل عالجرار وقيمة الشقةصارت بس ثلاثة أو اربعةأضعاف الفيمة التقديرية ،وعم بيطبقوا شروطهم علينا ونحنا ما إلنا حقوق. ومع كل هالسؤ المضحك المبكي انو المسؤولين عن السكن والمتعهدين كتير شرفاء ،شي بيقرف
104. ايدي بالنار
فادي | 9/12/2013 02:57 , توقيت دمشق
شو صار بالاصنصيل؟؟؟؟ وشو منشان تزفيت الطرقات؟؟؟
105. اللاذقية والفساد القاتل
فادي | 9/3/2014 03:42 , توقيت دمشق
اولا: لو كانو عم يبنو هالكم شقة عالمريخ ( تخيل صعوبة البناء عالمريخ؟؟) كان خلص قبل وقت التسليم المحدد من زمان, وك خمس سنوات تاخير ولهلق مافي شي مبين ؟؟؟؟؟؟, وك كم شقة مالنا عرفانين نظبط فيهون, بعدين دائما المواطن لازم يدفع ضريبة هالفساد المدمر للانسان والمجتمع (اطالب محاسبة المسؤولين عن هذا التاخير وتعويض المتضررين عن هذا التاخير الذي لايرحم واعادة النظر باسعار الشقق التي لاترحم المواطن ذوي الدخل المحدود حاجة بقى......... الجيش العربي السوري عم بيذل الغالي والرخيص للدفاع عن الوطن وهناك بعض المسؤولين الى الان غير مكترثين وغير مبالين بحال المواطن والوطن
شارك برأيك        علماً أن إدارة الموقع ستقوم بنشر المشاركة في حال حققت شروط النشر
* الاسم:
* عنوان المشاركة :
* نص المشاركة :
حرف متبقي
شروط نشر المشاركات:
عدم الإساءة للكاتب أو للأشخاص أو للمقدسات أو مهاجمة الأديان أو الذات الإلهية
والابتعاد عن التحريض وعدم الإساءة إلى الشعور الوطني.
اضغط هنا للعودة إلى اعلى الصفحة
بحث في الموقع